نصائح طبيه لكل اللي نازل المظاهرات

احمل معك زجاجة من الماء مذوب بها قرصين من دواء الحموضة لغسل العيون... والجلد من تأثير الغاز المسيل للدموع

لا تصاب بالرعب من الغاز فأثره سيزول في عدة دقائق. لا تجري كالعبيط وأنت مش شايف حاجة وتقع زرع بصل في النيل - أو تهبط في حضن ظابط أمن مركزي

لعلاج الغاز المسيل:زجاجة نصفها مملوء بالماء ونصفها محلول مضادة للحموضة، أو ذوب حبوب ريني المضادة للحموضة في ماء في زجاجة واغسب بها جلدك وعينيك
للوقاية من الغاز المسيل للدمع: ارتدي جوجلز(نظارات السباحة)،وضع منديل مبلل/باندانا على فمك وأنفك. اذا اصبت بالغاز لا تدعك عينيك

البنات : ارفعوا شعركم ولا ترتدوا أي أقراط طويلة ولا سلاسل لأنها أشياء يمكن شدّكم منها
ممنوع العدسات اللاصقة لأنها تحجز ورائها الغاز المسيل للدموع
الفازلين،كريم نيفيا،مستحضرات التجميل تحجز تحتها الغاز المسيل للدموع وتجعل المشكلة أسوأ. طبعا كدا نص البنات مش نازلين من غير ميكب

إذا سقطت على الأرض وضُربت،خذ وضع الجنين لتحمي بطنك من الركلات وغطي رأسك بذراعيك، يديك تصلان لخلف الرأس.الرأس/الصدر/البطن نقاط الضعف
لاتستفز رجال الشرطةبالسب.ليس الهدف استعراض محصولك اللغوي من القباحة.الهدف هو إبداء غضبك من معاملةالشرطة.ولاايه الهدف أساسا؟أنت عارف؟

عسكري الأمن المركزي مجند غلبان أكتر منك مليون مرة. لا تعتدي عليه بالضرب ولا السب- فهي مش شطارة يعني ولن تحرر القدس
المصاب بجرح ينزف بغزارة:اضغط بقوة على الجرح بمنديل نظيف. ارفع الجزء المصاب لأعلى فوق مستوى القلب ليقل النزيف

يا أرجل رجاله فى مصر.
اللى مش هينزل بكره 25 يناير عمره ما هينزل
علشان كرامتنا علشان بلدنا علشان نبقى بشر زي الناس في اي حتة في العالم علشان نعاقب المخطئ و الفاسد علشان ولادك علشان ما تضربش على قفاك علشان دينك علشان يبقى لينا حجة و نقول عملنا اللي علينا